مصر قائدة المنطقة؟؟؟؟؟!!!!!!

كلما قلبت قناة تناقش الأمور السياسية أو حتى الانمائية الاقتصادية منذ بداية الثورة لا أجد إلا أناس لايقولون إلى أن مصر تستطيع أن تقود المنطقة أن تجمع العرب ثم المسلمين تحت رايتها وتمثل حتى تهديد للدول الأوروبية التي تقع في جنوبها وحين انظر إلى الشخصيات التي ذكرت هذا الكلام احزن حزنا شديدا كيف بهؤلاء الذين ينتمون إلى هذا المستوى من الذكاء والإبداع فيقولون أنهم بشكل أو بآخر يريدون أن ينبهوا ثروات الخليج ويسيطروا على قارة أفريقيا ويشكلوا تهديداً للدول الأوروبية "دول حلف الناتو"، أتروا معي تفاهة أكثر من ذلك يعني كلامهم بيقول لكل الدول دي شكل للبيع يعني تعالوا هدونا انتم بتحبوا مصر ولا بتحبوا مين بالضبط حاجة غريبة للغاية أنت بتتمنى فعلاً أن تكون مصر حرة مستقلة قوية ولا أنت بتقول للناس دي شكل للبيع أنا بحب قوي الناس بتوع الاحلام الكبيرة اللي زي عبدالناصر كده كلام كثير فعل مفيش ولحد امتى هنفضل صابرين بقى على الناس دي اللي مش مقدرين حجم كلامهم ولا تأثيره على من حولهم، أنتم بتفكروا ازاي بالضبط أنا بقى بقول ليهم حاجة مهمة احنا مش عايزين نبقى دولة عظمى ولا دولة توحد كل دول المنطقة العربية ولا نريد أن نمثل تهديداً لأوروبا أحنا عايزيييييييييييييييييييييييييييييييييييييييييييين نعيش سبونا نعيش زي ما انتوا عايشين يكون كل واحد فينا عنده عربية ومدخل ولاده مدارس كويسة وبيتعالج كويس وبيشتغل في وظيفة جوه بلده مش متمرمط في كل حتة عشان لقمة العيش بقولهم ارحمونا من طلعوكم على التليفزيون وعدم قدرتكم على تقدير ما تقولون أنتم خربتوا بيوتنا وشردتوا أولادنا وسجنتوا عيالنا وكل الشهداء اللي راحو في الجيش والثورات دمهم في رقبتكم عشان كلامكم الحلو ده سبونا نعيش إحنا عايزين نعرف نعيش زي الناس ما هي عايشة إحنا مش عارفين نكون حتى ماليزيا ولا الهند ولاحتى بنجلادش بسببكم ارحمونا من كلامكم غير المسئول الذي لا يسبب بينا وبين دول الجوار إلا المخاوف وعدم الثقة. وعاشت مصر حرة مستقلة قوية تحمي أولادها وكفى