وأنا مش من الفلول جمع فل

على موقع جريدة المصري اليوم قرأت مقال الأستاذ بلال فضل "عن الأموال القذرة أتحدث" وفيه تحذير ورسالة من سيدة تعمل في مجال شركات مراقبة الأموال والبنوك وتساؤلها عن عدم تجميد أرصدة مبارك وتذكرت أنه منذ أيام تم الافراج عن زكريا عزمي لأن كل أمواله كانت هدايا من أمراء عرب فما بالك بحسني مبارك أعتقد أن أكثر من 90% من ثروة هذا الرجل جاء من هذه الهدايا والهبات فالكل عايز يستفيد والراجل كان بيخدم ويفيد وأنتم عايزن تصوروا لنفسكم أن مصر فيها الفلوس دي وأن دي أموال الشعب أنت بتفكروا أزاي، لو خدنا أي واحد غني يشهد له بالثراء الشديد زي بيل جيتس مثلا وكلنا عارفين الراجل ده عمل ثروته ازاي يا تري الراجل ده عمل ثروته بالعمل في أمريكا –على الرغم أننا جميعاً نشهد لأمريكا ليس فقط بالقوة ولكن الثراء الشديد أيضاً فغالبا قائمة أغنياء العالم يكون أكثر من نصفها من أمريكا- بس مستحيل ما كنش بيل حصل 1% من ثروته هو حصل الباقي من كل بقاع الأرض وحسني مبارك نبيه وزكي وعرف ان اللعبة لو بقت مصر بس مش هيحصل 1 أو أثنين مليار الراجل عنده ما يقدر بحوالي 70 مليار وميزانية مصر طول سنة متجبش الرقم ده فلو اعتبرتم ان دي أموال الشعب تبقوا واهمين، أنتم استحملتم الراجل 30 سنة بمزاجكم ولما أصريتوا أنه يمشي مشي معملش زي القذافي مثلا يبقي انت عايز تصور لنفسك تصور وهمي ان كل دي فلوس مصر ياراجل حرام عليك ماكنش يبقي فيها 25 مليون انسان عايشين تحت خط الفقر لو عايز رأيي بدل ما الناس تروح تحقق مع مبارك ازاي قتل الشهداء لازم يسئلوه ازاي قدر يبقى اغني راجل في العالم ونتعلم منه كلنا عشان حتى الناس اللي عايشين تحت خط الفقر يعرفوا يخرجوا شوية صغيرين من اللي هم فيه ولا أيه وعلى فكرة أوعى تفتكر أني بقول كده عشان أنا من الفلول جمع فل لا والله بس لأن الناس في مصر شاغلة نفسها بحاجات غريبة جداً عايزين تخدوا شقا الراجل طول عمره لو كان أغني عبدالناصر أخذ أموال أسرة محمد علي وأنقذه من نكسة 67 كان يغنينا النهاردة أخذ أموال مبارك أحنا لازم نفكر في ترتيب نفسنا سياسيا واجتماعيا واقتصاديا ونقول زي ما كان بيقول عبد الناصر "لا صوت يعلو فوق صوت المعركة" بس أحنا نخليها "لا صوت يعلو فوق صوت النجاح لمصر وشعبها" مش تدور ازاي تنهب فلوس الناس وازاي الفلوس خرجت، أنا عايزة أقولك أن حسنى مبارك كان بيشتغل مع ناس أوفى بكثير قوي مما تتصور يعني حتى لو وصلت لفلوسه هم برضه هيدولوا نفس الفلوس وبعدين يلفوا عليك زي ما لفوا على عبدالناصر وخلوه يطلع ذهب البنك المركزي ويديه بايدوا لليمنين واليمنين ادوه للسعوديين فما تتعبش نفسك وتضيع وقتنا ووقت مصر في أمور لن يأتي منها أي خير مش هيجي من وراها إلا المشاكل الاضطرابات وبعدين كلنا هنندم زي مع حصل في النكسة محدش عايز ولا أنا عايزة أدخل بطني فلوس حرام أنا معرفش هو جاب الفلوس دي منين من القتل أو الحروب ولا المخدرات ولا ايه فما فيش داعي أنه ندخل بطوننا فلوس منعرفش أصلها ومعندناش أثبات عليها أحنا لازم اللي يشغل بالنا جميعاً الآن أزاي نبني مصر على كل المستويات مش ازاي ناخد فلوس الناس حتى لو كانوا حرامية ومتنساش محدش بيسرق لوحده وأن كنت أنت مش بتخاف فأنا بخاف وفيه زي 25 مليون أخرين من الشعب وأنا أكيد أنهم أكثر بكثير عايزن يعيشوا صح وبأنسانية وما يهمهمش يدورا على فلوس الناس يهمهم فلوسهم هم هيجيبوها منين وهتروح فين وعاشت مصر محدش فيها بيدور كل واحد عنده كام بل بيدور هو هيكون عنده كام وازاي يجبهم.